L'avvertimentu d'a Culummara
'A Culummara è ddà, pusata a mari
chi ni talia e pare c'addumanna:
A cu' aspittati? Chi m'ha sdirrupari?..
E' chissà la me fini? Sta cunnanna?
Pi fari sta gran sorti di casteddu
ci travagghiaru genti c'u gran sennu
e cu è chi mi talia mi dici "beddu"..
piccatu chi a pizzudda st'aiu carennu.
Ma ci pinsati vui quannu sirvia
pi addifenniri sta granni citati,
picchi quannu 'u nimicu ci vinia...
di ccà partìanu focu e cannunati.
Cu tuttu chi ci vìnniru 'i regnanti
pi' sentisi chiù megghio cunnnuttati,
stu locu retti troppi patimenti...
a chiddi chi ci foni carzarati.
Ah! Si sti petri putissiru parlari
sa quantu cosi avissimu a sentiri:
lu sbattiri ntè scogghi di lu mari...
chi stenti e 'a sulità fannu nfuddiri.
Si ùn mi vuliti chiù nta pruspittiva
e mancu ntè ritratti chi mi fannu,
pozzu turnari a' furma primitiva.,
ma è rutta vostra 'a curpa di stu dannu.
Vito Blunda 26/4/2009